Zhaklin Lekatari provokon sërish shqiptarët, poston foto me rusin që luftoi kundër UÇK-së në Kosovë

Provokimet e Zhaklin Lekatarit vazhdojnë ndaj shqiptarëve të Kosovës.

Pas deklaratës në rrjetet sociale se “ndihet e sigurt në një vend pa shqipe”, ndërkohë që ndodhej me pushime në Serbi, Beograd, ka bërë një tjetër deklaratë të papërshtatshme.

Ajo ka publikuar një tjetër foto në Beograd para murales të Albert Andijev, një rus që luftoi në anën e Serbisë në luftën e Kosovës 1998-1999, kur forcat serbe dëbuan pothuajse një milion shqiptarë të Kosovës gjatë një fushate brutale kundër kryengritjes.

Postimi i Lekatarit është pritur me irritim nga mediat dhe veçanërisht qytetarët në Kosovë, të cilët kujtojnë vuajtjet që kanë kaluar gjatë viteve të luftës.