Tashmë ëhstë zyrtare: Leicester City ka rënë matematikisht në League One, duke përjetuar një nga rëniet më dramatike në historinë e futbollit anglez.
Vetëm dhjetë vite më parë, në 2016, “Dhelprat” shkruanin historinë nën drejtimin e Claudio Ranieri, duke fituar në mënyrë të pabesueshme Premier League me protagonistë si Jamie Vardy, Riyad Mahrez dhe N’Golo Kanté. Sot, realiteti është krejt tjetër: një rënie e dytë radhazi që i çon në kategorinë e tretë të futbollit anglez.
Barazimi në shtëpi ndaj Hull City vulosi fatin e Leicester, edhe pse shpresat për mbijetesë ishin ende të hapura deri në javët e fundit. Një sezon që nisi me objektivin për t’u rikthyer në elitë, përfundoi në mënyrën më të keqe të mundshme.
Situata u rëndua edhe më shumë nga një penalizim prej 6 pikësh për shkelje të rregullave të fair play-t financiar në sezonin 2023-2024, një goditje që rezultoi vendimtare për fatin e skuadrës.
Pas një fillimi premtues, Leicester ra në një krizë të thellë në fillim të vitit 2026, me një seri humbjesh që sollën një kolaps të papritur. Presidenti Aiyaëatt Srivaddhanaprabha ka marrë përgjegjësinë për këtë dështim historik.
Nga maja e botës në vitin 2016, Leicester City sot gjendet në një nga momentet më të errëta të historisë së tij, duke përmbyllur një dekadë me një rënie të pabesueshme.
Maj, 2016