11 gola dhe 8 asiste, Anis Mehmeti është “arma” që i duhet Sylvinhos ndaj Polonisë

Pas një mungese të gjatë që zgjati afro tre vite, Anis Mehmeti rikthehet në Kombëtaren shqiptare, këtë herë jo si një eksperiment, por si një lojtar që e ka fituar vendin me performancë dhe vazhdimësi.

Herën e fundit që ai veshi fanellën kuqezi ishte në mars të vitit 2023, kur trajneri Sylvinho i dha hapësira në tre ndeshje. Pas paraqitjes së tij të fundit kundër Ishujve Faroe, ku u aktivizua për pak minuta, Mehmeti u la jashtë planeve për një periudhë të gjatë.

Sot situata ka ndryshuar ndjeshëm. Problemet në repartin ofensiv, dëmtimet e Mirlind Daku dhe Rey Manaj, si dhe forma e paqëndrueshme e Armando Brojës, kanë hapur derën për rikthimin e një lojtari që po kalon momentin më të mirë të karrierës.

25-vjeçari nuk është më ai talenti në pritje të shpërthimit. Transferimi nga Bristol City te Ipsëich Toën dhe perspektiva për të qenë pjesë e Premier League sezonin e ardhshëm, flasin për një rritje të qartë profesionale.

Statistikat e tij janë dëshmi e formës së shkëlqyer: 11 gola këtë sezon, të shoqëruara edhe me 8 asiste. Por përtej shifrave, Mehmeti po spikat për mënyrën si interpreton lojën,  i shpejtë, teknik dhe vendimtar në momentet e rëndësishme.