2 nga 2, Polonisë i ka buzëqeshur gjithnjë fati në “Play Off”

Rivalët e Polonisë në dy raste që kanë marrë pjesë në Play Off në vitet e fundit, kanë arritur të sigurojnë kualifikimin në turne madhorë. Rasti i parë lidhet me Kampionati Botëror 2022. Polonia e mbylli grupin eliminator në vendin e dytë, pas Anglisë dhe përpara Shqipërisë, Hungarisë, Andorrës dhe San Marinos. Edhe pse humbi 1-2 ndaj Hungarisë në ndeshjen e fundit, skuadra kishte siguruar tashmë pjesëmarrjen në “play-off”.

Fillimisht shorti e vendosi përballë Rusisë, por përjashtimi i kësaj të fundit nga FIFA për shkak të luftës në Ukrainë i dha Polonisë kualifikimin direkt në finale. Aty, më 29 mars 2022, polakët mposhtën Suedinë me rezultatin 2-0, falë golave të Robert Lewandowski dhe Piotr Zieliński, duke siguruar biletën për në Katar.

Një tjetër sukses erdhi në rrugën drejt Euro 2024, pavarësisht një fushate eliminatore zhgënjyese. Pas ndryshimit në stol, ku Michał Probierz zëvendësoi Fernando Santos, Polonia përfitoi një shans të dytë përmes Ligës së Kombeve. Në gjysmëfinale mposhti bindshëm Estoninë me shifrat 5-1, ndërsa në finale përballë Uellsi në Cardiff, gjithçka u vendos me penallti pas barazimit pa gola. Heroi i sfidës ishte portieri Wojciech Szczęsny, i cili priti goditjen vendimtare, duke i dhënë Polonisë kualifikimin.

Tashmë, Polonia synon të përsërisë historinë në rrugën drejt Kampionati Botëror 2026. Skuadra, e drejtuar nga Jan Urban, do të përballet fillimisht me Shqipërinë në gjysmëfinalen e “play-off”-it, në një ndeshje që do të luhet në Varshavë. Më pas ekipi fitues në finale përballet me fituesin e çiftit Ukraina-Suedia, në një transfertë që pritet të zhvillohet në Valencia ose Stokholm.