33 ndeshje si titullar, Fatbardh Latifi një ”mur i hekurt” tek Trepça ’89

Fatbardh Latifi ka qenë një nga zbulimet dhe shtyllat më të forta të KF Trepça ’89 gjatë këtij sezoni, duke u kthyer në një emër që ka dominuar repartin defensiv nga java e parë deri në fund të kampionatit.

Me plot 33 ndeshje si titullar, mbrojtësi qendror ka qenë zgjedhje e padiskutueshme e trajnerëve, duke mos e humbur asnjëherë vendin në formacion dhe duke garantuar stabilitet maksimal në prapavijë.

Por ndikimi i tij nuk është kufizuar vetëm në mbrojtje. Latifi ka lënë gjurmë edhe në fazën ofensive, duke shënuar gola me peshë dhe duke asistuar në momente vendimtare që kanë ndikuar drejtpërdrejt në rezultatet e ekipit.

Me paraqitje të pandërprera dhe nivel të lartë forme gjatë gjithë sezonit, ai është shndërruar në “mur të hekurt” të Trepçës ’89 dhe një nga lojtarët më të rëndësishëm të skuadrës në këtë edicion.