5 skuadra betejë për titullin e Seria A, ka vetëm një precedent në histori

Një mister ende larg për t’u zgjidhur. Me fitoren e Juventusit ndaj Hellas Veronës, edhe bardhezinjtë i janë bashkuar garës së egër për titull. Për momentin pesë skuadrat e para i ndajnë vetëm 8 pikë: Interi 58, Napoli 57, Atalanta 55, Juventus 52 dhe Lazio 50.  Me 11 ndeshje deri në fund, dhe 33 pikë në dispozicion, asnjë nga këto skuadra nuk është e sigurt në ëndrrën e tyre.

Një situatë që, pas 27 javësh, nuk kishte ndodhur kurrë që nga futja e 3 pikëve (d.m.th. që nga sezoni 1994-1995) në Serinë A. Në fund, napolitanët fituan dhe në fund të vitit festuan titullin e parë në historinë e tyre.

Nëse e zgjerojmë spektrin, ka një rast tjetër në të cilin renditja ishte kaq e ngjeshur në krye në sezonin 96/97, kur Seria A kishte 18 ekipe, në javën  e 27-të të ndeshjes diferenca e pikëve midis të parit dhe të pestit në renditje ishte 9 (një më shumë se sot).

Atë sezon Juventusi zuri vendin e parë në renditje, i ndjekur nga Parma, Interi, Sampdoria dhe Bologna. Me atë rast, bardhezinjtë arritën të mbronin vendin e parë deri në fund të kampionatit. Me 11 ndeshje ende për t’u luajtur, gara për titull është më e hapur se kurrë. Fundjava do të bëhet shumë interesante, pasi Juventus pret Atalantën, Napoli sfidon Fiorentinën, ndërkohë që Interi e ka pak më të lehtë ndaj Monza-s. /R.Lika-Koha Jonë/