5 të vërtetat e Italisë, ja pse mungesa në Kupën e Botës po kthehet në normalitet

Eliminimi i Italisë nga kualifikimet për Botërorin 2026 konfirmon një realitet të hidhur: “Axurrët” nuk janë më një superfuqi e futbollit botëror. Humbja ndaj Bosnjës me penallti, pas barazimit 1-1 në kohën e rregullt (golat nga Moise Kean dhe Haris Tabaković), vulosi një tjetër kapitull të errët për Italinë.

Ndeshja, e drejtuar nga arbitri francez Clément Turpin, u ndikua ndjeshëm nga ndëshimi me karton të kuq i Alessandro Bastoni në minutën e 41-të. Në fund, Bosnja siguroi një vend në Botëror, ndërsa Italia do ta ndjekë sërish nga shtëpia për herë të tretë radhazi.

1. Mungesa në Botëror, tashmë “normalitet”

Pas dështimeve në 2018, 2022 dhe tani 2026, mungesa e Italisë në Kupën e Botës nuk është më surprizë, por një realitet i përsëritur. Një kombëtare me katër trofe botërorë duket se ka humbur statusin e saj, duke rrëshqitur në plan të dytë apo edhe të tretë në arenën ndërkombëtare.

2. Italia e Gennaro Gattuso dështon në ndeshjet e mëdha

Edhe pse ka pasur fitore ndaj kundërshtarëve modestë, skuadra e drejtuar nga Gattuso nuk ka arritur të përballojë sfidat e nivelit të lartë. Humbja e thellë ndaj Norvegjisë dhe tani eliminimi nga Bosnja tregojnë kufizimet reale të këtij grupi.

3. Polemika për festimin e Federico Dimarco

Një tjetër moment që ka shkaktuar reagime ishte festimi i Dimarcos pas shortit të kundërshtarit në playoff. Ironikisht, Italia u eliminua pikërisht me penallti, duke e bërë atë episod një “figurë të keqe” në sytë e opinionit publik.

4. Momenti i vështirë për Bastonin

Gabimi i rëndë që çoi në kartonin e kuq ka rënduar edhe më shumë situatën për Bastonin, i cili prej kohësh është në qendër të kritikave. Sipas mediave italiane, një transferim jashtë vendit mund të jetë zgjidhja për të rifituar qetësinë dhe formën.

5. Kean, hero dhe “fajtor” njëkohësisht

Pavarësisht golit dhe një serie të jashtëzakonshme me kombëtaren, Kean mund të mbahet mend për një rast të humbur të artë në pjesën e dytë, që mund të kishte mbyllur ndeshjen. Një episod që ndryshoi rrjedhën e sfidës dhe, në fund, fatin e Italisë.

Eliminimi i radhës hap një debat të thellë për të ardhmen e futbollit italian, nga strukturat te zhvillimi i talenteve, ndërsa tifozët përballen me një tjetër verë pa Kombëtaren e tyre në skenën më të madhe botërore.