Acerbi: Asllani është një lojtar i shkëlqyer, ka potencial të madh

Francesco Acerbi ka dhënë së fundmi një intervistë, ku ka folur ndër të tjera edhe për mesfushorin e kombëtares shqiptare të futbollit, Kristjan Asllanin.

Mbrojtësi i skuadrës së Interit, e cilësoi shqiptarin si një lojtar të shkëlqyer, ndërsa theksoi se shoku i tij i skuadrës ka shumë potencial.

“Asllani është një lojtar i shkëlqyer, ai duhet të përmirësojë shqisat e tij, ai e di se duhet të rritet, ai e di shumë mirë. Ai duhet të bëjë karrierën e tij sepse ka potencial të madh, por varet nga ai”, deklaroi Acerbi.