Agim Ademi rizgjidhet në krye të FFK-së me 100% të votave

Federata e Futbollit të Kosovës (FFK) ka mbajtur sot Kuvendin Zgjedhor, ku është konfirmuar rizgjedhja e Agim Ademit në krye të federatës.

Ademi do të vazhdojë mandatin e tij për katër vite të tjera (2026-2030), duke marrë besimin e plotë të delegatëve. Nga 52 delegatë, ai mori 52 vota pro, pa asnjë kundër apo abstenim. Ai nuk kishte rivalë përballë, duke marrë mandatin e tretë radhazi. Ai u zgjodh për herë të parë në krye të institucionit që drejton futbollin e Kosovës në vitin 2018.

“Të dashur delegatë, vota juaj sot është besim për mua dhe për ekipin tim. Vota juaj është vlerësim i punës që kemi bërë së bashku dhe përkrahje për të ardhmen. Do të jem gjithmonë i gatshëm për ta ndihmuar futbollin”, deklaroi Ademi pas rizgjedhjes.