Ambasada e SHBA-së uron kampionin e botës, Florian Markun
Aktualitet Sporti E Diel, 26 Shtator 2021 11:01
Florian Marku u shpall kampion bote dhe urimeve iu është bashkuar dhe ambasada e Shteteve të Bashkuara në Tiranë, përmes një postimi në rrjetet sociale.
“Përgëzim Florian Marku, kampionit shqiptar të IBF. Ambasada e SHBA në Tiranë i dërgon urimet më të mira kampionit të parë të botës nga Shqipëria! Urime kampion!”, shkruhet në mesazhin e ambasadës.
Florian Marku mundi me pikë ukrainasin Maxim Prodan pas një ndeshje që zgjati 10 raunde në “Tottenham Stadium”.
