Carlo Ancelotti ka filluar që të mendojë që tani për Liverpoolin. Pas barazimit ndaj Cadiz në kampionat, trajneri italian konfirmoi faktin se ka nisur të mendojë për finalen e Championsit.
“Në këtë grup janë më shumë se 11 futbollistë që meritojnë të luajnë për Real Madridin. Në çdo ndeshje kam dyshime për formacionin. Rodrygo e Valverde titullar në finale? Mund të jenë. Valverede duhet të godasë më shumë, është një kualitet që nuk e ka shfrytëzuar shumë mirë”, tha strategu italian.
Në fakt Ridrygo ishte vendimtar në gjysmëfinalen ndaj Manchester City-it duke përmbysur gjithçka në minutat e fundit. Strategu italian për këtë fakt mund ta shpërblejë me një vend në formacionin bazë në finalen e Parisit. /R.Lika-Koha Jonë/
