Anëtare e Komitetit Ekzekutiv të FSHF-së, Anila Basha ka postuar foto nga takimi dhe pritja që ju bë nga presidenti i federatës Çeke, Petr Fousek. ”Padyshim folëm për futbollin, atë çka bëjnë federatat për të ushqyer mbështetjen dhe partneritetin, ndërsa presidenti Çek u interesua veçanërisht për mënyrën sesi funksionon në FSHF politika gender dhe përfshirja e grave në nivele drejtuese në futboll”,-shkruan Basha.
Postimi i plotë
Përpara sfidës së rëndësishme të mbrëmbjes së sotme të Kombëtares shqiptare kundër Çekisë, presidenti i Federatës Çeke Petr Fousek priti delegacionin tonë, pjesë e të cilit isha dhe unë.
Ishte një drekë miqësore mirëseardhjeje në Pragë por që çekët sigurisht nuk e kanë harruar humbjen 3 me 0 në Tiranë vitin e kaluar.
Padyshim folëm për futbollin, atë çka bëjnë federatat për të ushqyer mbështetjen dhe partneritetin, ndërsa presidenti Çek u interesua veçanërisht për mënyrën sesi funksionon në FSHF politika gender dhe përfshirja e grave në nivele drejtuese në futboll.
E të mendosh se në Komitetin Ekzekutiv në Çeki nuk ka ende asnjë grua në bord. Këto janë disa nga momentet gjatë drekës së dy delegacioneve.
