Ansu Fati dëmtohet sërish, ja sa pritet të mbetet jashtë fushave

Ansu Fati vijon fatin e keq. Lojtari i Barcelonës është ndalur sërish për shkak të një problemi fizik gjatë stërvitjes së të mërkurës.

Fantazisti pësoi një dëmtim në kofshën e djathtë dhe do të duhet të qëndrojë në “infermieri” katër javët e ardhshme.

Nuk është hera e parë që ai pëson dëmtim në atë zonë të këmbës. Në fakt, sezonin e kaluar te Brighton pësoi të njëjtin lëndim dhe qëndroi jashtë fushave për më shumë se dy muaj. Ky është lëndimi i dytë i sezonit për të.