Presidenti i Federatës Shqiptare të Futbollit, Armand Duka, ka reaguar në rrjetet sociale pas hedhjes së shortit të kampionatit Abissnet Superiore 2026/2027, duke uruar mbarësi për të gjitha skuadrat pjesëmarrëse.
Në mesazhin e tij, Duka e cilësoi ceremoninë e zhvilluar në “Shtëpinë e Futbollit” si nisjen zyrtare të një sezoni të ri, i cili vjen me një format që pritet të sjellë më shumë rivalitet dhe emocione.
“Nga ‘Shtëpia e Futbollit’ drejt një sezoni të ri dhe një formati që premton shumë. Me hedhjen e shortit, nis zyrtarisht rrugëtimi i Abissnet Superiore 2026/2027. Uroj që ky sezon të sjellë emocione, spektakël dhe fair play. Suksese të gjitha skuadrave!”, shkroi kreu i FSHF-së.
Edicioni 2026/2027 pritet të jetë një nga më interesantët e viteve të fundit, pasi kampionati do të zhvillohet me formatin e ri të miratuar nga Federata Shqiptare e Futbollit, me synimin për të rritur konkurrencën dhe nivelin e garës deri në javët e fundit të sezonit.