Armando Sadiku prezantohet te skuadra e re në Turqi (FOTO LAJM)
Armando Sadiku transferohet në Turqi. Sulmuesi i Kombëtares shqiptare firmosi zyrtarisht me skuadrën e Erzurumspor, teksa për dy sezonet e ardhshme do të luajë në elitën e futbollit turk. Sadiku ishte lënë i lirë nga Levante, e cila zotëronte kartonin, dhe ishte në bisedime me shumë skuadra të tjera. Bomberi nga Elbasani ka zgjedhur projektin turk, duke dashur të ndihmojë skuadrën e sapongjitur në Superligën e Turqisë.
Erzurumspor është ekipi i 11-të në karrierën e Armando Sadikut, i cili e nisi me Turbinën e Cërrikut, kaloi te Gramozi i Ersekës më pas te Elbasani. Aventura më vonë u transferua në Zvicër, ku aktivizua me 4 ekipe: Locarno, Lugano, Vaduz dhe Zurich. Për të kaluar te Legia Warshaw, një transferim jo i mirë. Levante e mori në vitin 2018 dhe e huazoi te Malaga.
Ndërsa tashmë nis një aventurë e re, në një vend krejt tjetër dhe mentalitet ndryshe. Sadiku është pjesë e Kombëtares shqiptare që nga viti 2012 dhe ka shënuar 12 gola për ngjyrat kuqezi.
