Arsenali vijon të jetë në kërkim të një trajneri që t’i besojë drejtimin e ekipit, pas shkarkimit të spanjollit Unai Emery, ndërsa sipas mediave londineze, së fundi “topçinjtë” janë shumë pranë zgjidhjes së emrit të ri.
Bëhet fjalë për një tjetër spanjoll, Mikel Arteta, i cili aktualisht është ndihmës i Pep Guardiolës te Manchester City dhe është vlerësuar shumë nga ish-tekniku i Barcelonës.
Arteta ka mbajtur veshur fanellën e Arsenalit për 5 sezone (2011-2016) dhe drejtuesit kanë nisur punën për ta bindur për një rikthim në “Emirates Stadium”.
Sipas mediave në Londër, këtë javë pritet edhe një takim final, ku do të diskutohen detajet e fundit të marrëveshjes dhe Arteta pritet të ulet në pankinën e “topçinjve” para ndërrimit të viteve.
