Arsenali kualifikohet në gjysmëfinalen e FA Cup, Ceballos është sërish heroi (VIDEO)

Arsenali siguron një vend për në gjysmëfinalen e FA Cup. “Topçinjtë” e Londrës triumfuan 2-1 kundër Sheffield United.  Lundstram shënoi shumë shpejt për vendasit që në minutën e 8-të, por golit i tij do të anulohej për pozicion jashtë loje.

Arsenali do të rifitonte besim në lojë me kalimin e minutave, teksa do të fitonte një penallti në minutën e 25-të. Pepe u tregua i saktë nga pika e bardhë. Minutat e fundit do të dhuronin shumë emocione. McGoldrick barazoi 3 minuta nga fundi i kohës së rregullt pas një gabimi qesharak të mbrojtësve të ekipit të Artetës.

Gjithsesi në minutën e parë shtesë, Ceballos bën atë që nuk ishin të aftë sulmuesit, duke realizuar përballë portierit Henderson.