Arsenali “show”, më perfekti i viteve të fundit, Çelsi +5 nga Siti

Sporti E Hënë, 19 Prill 2021 02:47

Arsenali më i mirë i viteve të fundit shfaqet në fushë të Mançester Sitit, ekipit kampion në fuqi të Anglisë, duke i ndalur vrullin. Ka përfituar Çelsi i Murinjos, që fitoi një ditë më parë 5-0, në fushë të Suansea dhe u shkëput pesë pikë nga vendi i dytë , pas ndeshjeve të javës së 22-të. Santi Carzola në ‘24 realizoi me një 11-metërsh dhe Oliver Giroud, në mesin e pjesës së dytë, shënuan dy golat e fitores për Arsenalin e drejtuar nga Arsen Venger. Kjo fitore ngjiti topçinjtë shumë pranë zonës Champions, fare pranë Mançester Junajtid e Saothampton, që ndodhen aktualisht në këtë zonë. Por fitorja e fundit e Arsenalit është konsideruar si më e bukura që kjo skuadër ka shënuar gjatë viteve të fundit. Jo vetëm rezultati surprizë, por loja e mirë ka bindur analistët se Arsenal mund të shkojë edhe më larg. Cazorla ishte i mrekullueshëm, si dhe u shpall njeriu i ndeshjes. Pas tij ishte Francis Coquelin, një shkatërrues perfekt në mesfushë. Laurent Koscielny i jashtëzakonshëm në zemër të mbrojtjes, ku spikatën edhe Nacho Monreal e Hector Bellerin. Para ndeshjes flitej më tepër nga të gjithë për Alexis Sanchez, për faktin se ishte përballë trajnerin kilian Manuel Pellegrini. Dhe ishte Arsenali i Sanchez që triumfoi në fund, duke i dhënë një goditje të fortë ambicieve të Pellegrinit.