Asani në super formë, shënon dopietë me skuadrën e tij në Kore (VIDEO)

Jasir Asani ka shënuar dy gola në fitoren me përmbysje 2-1 që Gëangju siguroi në shtëpi kundër Anyang, për raundin e tretë në futbollit elitar të Koresë së Jugut.

Sulmuesi i Kombëtares e ka nisur mirë sezonin dhe marsi duket se është muaji i tij, pasi e presin edhe ndeshjet me kuqezinjtë për kualifikueset e Botërorit 2026.

Dueli u zhbllokua nga miqtë me Bruno Mota në minutën e 16-të dhe skuadrat iu drejtuan dhomave të zhveshjes me këtë rezultat.

Në pjesën e dytë Jasir Asani barazoi gjithçka minutën e 57-të. pas pasimit të Hoo-Sung, para se një minutë nga fundi i sfidës të shënonte golin e dytë personal dhe të fitores për ekipin e tij.