Atalanta fiton me lehtësi ndaj Sampdorias, futet në zonën Champions (VIDEO)

Atalanta ka reaguar mjaft mirë pas humbjes ndaj Realit në Champions League. Skuadra e Gasperinit mori një fitore pa shumë probleme 2-0 në transfertën ndaj Sampdorias.

Në minutën e 40-të Malinovsky shënoi një super gol me një goditje fantastike me të majtën në hyrje të zonës. Në fraksionin e dytë skuadra bergamaske shënoi dhe golin e sigurisë. Maehle shërbeu një pasim të saktë në zonë për Gosens, i cili me një prekje të lehtë e dërgoi topin në kuadrat.

Atalanta me këtë fitore ngjitet në vendin e katërt me 46 pikë, po aq sa Juventusi, por bardhezinjtë kanë dhe një sfidë për të rikuperuar. /R.Lika-Koha Jone/