Balotelli shkon për t’u stërvitur, por klubi i Brescias nuk e lejon

Nuk ka paqe mes Mario Balotellit dhe Brescias. Sulmuesi sot u shfaq 20 minuta përpara orarit në qendrën sportive këtë mëngjes, por pas një takimi të shkurtër me një nga punonjësit e klubit, ai u rikthye në shtëpi.

Brescia që nuk e ka lejuar sulmuesin që të rifillojë stërvitjen. Super Marios, duke lënë qendrën sportive, i shpëtoi vetëm një frazë ironike përpara gazetarëve të pranishëm: “Tani, thoni që nuk stërvitem”.

Ndërkohë, klubi ka reaguar zyrtarisht duke deklaruar se Balotelli dërgoi nëpërmjet mjekut të tij në orën 21:30 një certifikatë mjekësore ku ishte shëruar nga gastroenteriti.