Balotelli shpërthen ndaj tifozëve të Lazios: T’ju vijë turp!

Mario Balottelli vijon të jetë subjekt i koreve raciste, teksa pas 30 minutash ndaj Lazios nuk do të mungonin ofendimet nga tifozët kundërshtar. Sulmuesi ka tërhequr vëmendjen e arbitrit për të sinjalizuar sjelljen e më shumë se 1500 tifozëve të Lazio.

Është kuptuar nga leximi i buzëve të lojtarit, që arbitrit i është drejtuar kështu: “Është hera e dytë “. Manganiello i është përgjigjur: “Tani merrem unë”.

Nga sektori lacial është dëgjuar edhe një “buu” në drejtim të Balotelli, aq sa është lexuar nga spikeri i stadiumit edhe një komunikatë që ftonte publikun të mos këndonte kore raciste.

Zemërimi i sulmuesit nuk u zbut dhe pas sfidës, përmes Instagram, ka dënuar sjelljen e tifozëve lacialë në Rigamonti me një fjalë të qartë “T’ju vijë turp”.