Barcelona brenda një sezoni, kërkon të fitojë dy tituj kampion

Barcelona është në rrugën e duhur për të fituar titullin kampion këtë sezon, por klubi katalanas ka qëllime edhe më madhore.

Me një kërkesë drejtuar Federatës Spanjolle të Futbollit, Barça pretendon titullin e vitit 1937, të kampionatit që u luajt në mes të Luftës Civile. Barcelona gjithmonë e ka pretenduar këtë titull, por deri tani kërkesa e saj kishte rënë në vesh të shurdhër.

Ajo që vuri sërish në lëvizje klubin ishte dhënia e titullit të Kupës së atij viti klubit të Levantes, gjë që përbën precedent ligjor për riaktivizimin e kërkesës së Barcelonës.