Barcelona kërkon me ngulm Lautaro Martinez, Interi synon shkëmbimin Griezmann

Interi dhe Barcelona këtë verë pritet të jenë shumë aktive në merkato. Klubi blaugrana kërkon me çdo kusht transferimin e Lautaro Martinez, ndërkohë që në krahun tjetër zikaltrit sipas “Gazzetta dello Sport” janë të interesuar për Griezmann.

Deri tani më tani francezi në 26 ndeshje ka shënuar vetëm 8 gola në Liga, 7 ndeshje dhe dy gola në Champions. Lautaro Martinez, i marrë për 25 milion nga Inter, është një goditje e mundshme e katalanasve, teksa statistikat e tij janë më pozitive me 11 gola në 22 ndeshje në Seria A dhe 5 gola në 6 sfia në Champions.

Francezi është tashmë 29 vjeç dhe fiton 17 milion në vit, Lautaro vetëm 22 vjeç dhe pagën maksimale e ka 3-4 milionë. Duke analizuar të dhënat “e ftohta”, në një nivel tekniko-ekonomik shkëmbimi nuk do të dukej si një pazar për Interin.

Me Grizmann, Interi nuk do ta ndryshonte sistemin me duetin mes francezit dhe Lukakut. Por mënyra e të luajturit do të ishte e ndryshme. Sepse Grizmann është një sulmues i dytë me këmbët e një mesfushori të shkëlqyer. Ndoshta nuk garanton të njëjtat synime si Lautaro, por më shumë shanse për Lukakun dhe më shumë befasi në lojë.