Barcelona mund pastër Realin dhe shpallet për herë të 29-të kampione e La Ligas

Barcelona shpallet kampione e La Liga-s për herë të 29-të në historinë e saj, pas fitores së pastër 2-0 ndaj rivalit të përjetshëm Real Madrid në “El Clasico”, të zhvilluar në Camp Nou në kuadër të javës së 35-të.

Skuadra katalanase e nisi ndeshjen me ritëm të lartë dhe kaloi në avantazh që në minutën e 9-të falë sulmuesit anglez Marcus Rashford, i cili realizoi një supergol nga goditja e dënimit, duke mposhtur portierin Thibaut Courtois.

Vetëm nëntë minuta më vonë, Ferran Torres dyfishoi rezultatin për Barcelonën pas një aksioni të bukur të ndërtuar nga Dani Olmo, i cili asistoi me thembër brenda zonës.

Me këtë fitore, Barcelona ngjitet në kuotën e 91 pikëve në krye të renditjes, ndërsa Real Madridi mbetet në vendin e dytë me 77 pikë.

Ky është trofeu i dytë sezonal për klubin katalanas, pas triumfit në Supercopa de España, ndërsa Real Madridi e mbyll sezonin pa asnjë trofe për të dytin vit radhazi.