Barcelona “në nam”, nuk fiton dot as me një lojtar më shumë ndaj Alaves (VIDEO)

Barcelona ka harruar se si fitohet në La Liga. Skuadra e Koeman nuk shkoi më shumë se një barazim 1-1 në transfertën ndaj Deportivo Alaves.

Edhe pse me forca të shumta sulmuese, katalanasit do të vuanin shumë. Në minutën e 30-të Alaves do të kalonte në avantazh, duke përfituar nga një gabim trashanik i portierit Neto, i cili i dha mundësinë Rioja-s që të përfitonte nga hezitimi i tij.

Barcelona zgjohet disi në fraksionin e dytë, teksa ndihmohet edhe nga dalja me karton të kuq e Jota. Katalanasit do ta shfrytëzonin shumë shpejt avantazhin numerik duke shënuar shumë shpejt me Griezmann.

Më pas do të kishim një mori rastesh në portën e Alaves, por Pachecho ishte në një formë fantastike, duke bërë shumë ndërhyrje shpëtimtare. Një barazim shumë zhgënjyes për Barcelonën që nuk fiton prej 4 ndeshjesh në La Liga. /R.Lika-Koha Jone/