Barcelona në superformë, tridenti Raphinha-Yamal-Fermín dominon Europën

Barcelona po kalon një moment të jashtëzakonshëm dhe një pjesë e rëndësishme e suksesit të skuadrës katalanase lidhet me formën e sulmit. Raphinha, Lamine Yamal dhe Fermín López po përbëjnë një nga repartet ofensivë më produktive të fillimit të sezonit, me shifra që flasin qartë për ndikimin e tyre.

Në La Liga dhe Champions League, tre futbollistët kanë realizuar së bashku 26 gola. Raphinha kryeson me 14 gola, i ndjekur nga Lamine Yamal me 8 dhe Fermín me 4.

Në krahun tjetër, treshja e Real Madridit, Kylian Mbappe, Vinicius Junior dhe Jude Bellingham, ka shënuar 12 gola në të gjitha kompeticionet: 8 francezi, 3 anglezi dhe 1 braziliani. Kështu, tridenti i Barcelonës ka 14 gola më shumë.

Raphinha është padyshim protagonisti kryesor. Braziliani ka përqafuar rolin e “9-shit” të propozuar nga Hansi Flick dhe ka shënuar 14 gola në vetëm 8 ndeshje, duke dhënë edhe 3 asistime. Ai ka realizuar dy “hat-trick” dhe tri dopieta.

Lamine Yamal ka shtuar 8 gola dhe 6 asistime, ndërsa Fermín numëron 4 gola dhe 2 asistime. Në total, tresheja ka 26 gola dhe 11 asistime.

Edhe sulmet e skuadrave të tjera të mëdha europiane kanë shifra më të ulëta. Haaland-Cherki-Semenyo te Manchester City kanë 12 gola, po aq sa Olise-Kane-Musiala te Bayern Munich, ndërsa treshja e PSG-së, Ferran Torres-Dembélé-Vitinha, ka realizuar 10 gola.