Barcelona publikon listën për Champions, një rikthim i madh pas 9 muajsh

Quique Setién ka publikuar sot listën e lojtarëve për ndeshjet e Ligës së Kampionëve, që Barcelona do të luajë në ditët në vijim. Lajmi i madh është rikthimi i Ousmane Dembélé, i cili nuk ka luajtur një ndeshje me ekipin katalanas prej nëntë muajsh.

Francezi është rikuperuar plotësisht nga dëmtimi dhe mund të ketë minuta aktivizim këtë të premte, kundër Bayernit . Për të mund të ketë disa minuta nëse do të jetë e nevojshme në fraksionin e dytë të duelit.

Në listën e 26 lojtarëve nuk është Umtiti, i cili do të vazhdojë rikuperimin e tij në Barcelonë. Me ekipin do të udhëtojë edhe Braithwaite, pavarësisht se nuk është i federuar për të luajtur në Ligën e Kampionëve. Ndërkohë që do të ketë edhe 9 futbollistë nga skuadra e dytë.