Barcelona triumfon ndaj Osasunës, vendos talenti i sapoardhur Vitor Roque

Barcelona rikthehet te fitorja në La Liga. Kampionët në fuqi të Spanjës triumfuan 1-0 përballë Osasunës, sfidë që u zgjidh nga goli i Vitor Roques në pjesën e dytë.

18-vjeçari brazilian, për kartonin e të cilit katalanasit paguan 40 mln euro tek Athletico Paranaense, realizoi golin e parë me katalanasit me një goditje me kokë.

Osasuna mbeti me dhjetë lojtarë katër minuta më vonë pas daljes me të kuq të kapitenit Unai Garcia.