Barcelona “zëvendëson” Messin, ja kush do ta mbajë fanellën me numrin 10

Largimi i Lionel Messit ka lënë një boshllëk të madh dhe të parikuperueshëm te Barcelona, por … jeta vazhdon. Skuadra katalanase ka vendosur që edhe numrin 10 që mbante argjentinasi ta zëvendësojë.

Ditën e sotme ekipi blaugrana ka zbuluar me anë të një video se Ansu Fati do të mbajë fanellën legjendare të “Pleshtit” në sezonin e ri. Një vlerësim i madh për talentin 18-vjeçar, i cili për fatin e tij të keq vijon të jetë i dëmtuar.

Deri më tani Ansu Fati ka qenë një ndër futbollistët më të spikatur, teksa Barcelona shpresojë që të ketë një karrierë të ndritur si argjentinasi. /R.Lika-Koha Jone/