Bayerni bën gati revolucionin në verë, vetëm 4 lojtarë janë të paprekshëm

Bayern Munich nuk po kalon një sezon aspak pozitiv. Skuadra e trajnerit Thomas Tuchel humbi Superkupën e Gjermanisë, tashmë është eliminuar nga Kupa e Gjermanisë dhe është 8 pikë prapa Bayer Leverkusen në Bundesligë.

Klubi tashmë po planifikon të ardhmen dhe së shpejti do të fillojë një proces rinovimi, i cili do të përfshijë marrjen e disa vendimeve të pakëndshme, ku fillimisht i pari që e ka pësuar është trajneri Tuchel.

Sipas “AS”, një nga prioritetet do të jetë gjetja e një trashëgimtari të denjë për Alaba, i cili nuk është zëvendësuar që kur u shit te Real Madrid. Upamecano nuk ka bindur.

Koreano-jugori Kim dhe De Ligt nuk kanë bindur sa herë u është dhën ëmundësia. Kimmich është gjithashtu pak i vetëm në mesfushë dhe ka nevojë për dikë që ta mbështesë.

Vetëm 4 janë të paprekshëm deri më sot. I pari është sulmuesi Harry Kane, i cili u ble nga Tottenhami verën e kaluar dhe ka shënuar 25 gola në 22 ndeshje të Bundesliga. Të tjerët që njihen si të domosdoshëm janë portieri Manuel Neuer, mesfushori sulmues Thomas Muller dhe sulmuesi Jamal Musiala.