Bayern Munich ka triumfuar me rezultat 4-2 ndaj Stuttgart në javën e 30-të të Bundesligës, në një ndeshje të zhvilluar në Allianz Arena, duke siguruar edhe matematikisht titullin kampion.
Sfida nisi me surprizë, pasi Stuttgart kaloi në avantazh në minutën e 21-të me golin e Rieder Fehrich. Megjithatë, reagimi i Bayern ishte i menjëhershëm. Raphaël Guerreiro barazoi shifrat në minutën e 32-të.
Vetëm një minutë më vonë, bavarezët përmbysën rezultatin me golin e Nicolas Jackson, ndërsa në minutën e 37-të Alphonso Davies thelloi avantazhin në 3-1, duke e mbyllur pjesën e parë në dominim total.
Në pjesën e dytë, Harry Kane vulosi fitoren me golin e katërt në minutën e 52-të, duke konfirmuar superioritetin e kampionëve gjermanë. Stuttgart arriti të shënojë golin e dytë në minutën e 88-të me Chema Andrés, por pa ndryshuar fatin e ndeshjes.
Me këtë fitore, Bayern Munich shkon në kuotën e 79 pikëve në krye të renditjes, duke u shpallur zyrtarisht kampion i Gjermanisë. Bavarezët kanë fituar 13 tituj në 14 sezonet e fundit.