Bayerni synon të blindojë Olise dhe të largojë rrezikun nga Reali

Michael Olise vazhdon të jetë një nga emrat më të kërkuar nga klubet e mëdha europiane, por te Bayern Munich nuk duket se ka asnjë dilemë për të ardhmen e sulmuesit francez. Klubi bavarez e konsideron Olisen të pashitshëm dhe nuk ka ndërmend të negociojë largimin e tij.

Sipas raportimeve të Bild, Bayern Munich ka vendosur një qëndrim të qartë përballë interesimit të Real Madridit, i cili gjatë merkatos së verës kishte ushtruar presion për të siguruar shërbimet e 23-vjeçarit.

Olise shihet si një element qendror në projektin e trajnerit Vincent Kompany dhe një prej figurave kryesore të së ardhmes së klubit. Bayern synon të ndërtojë një skuadër konkurruese për vitet e ardhshme, veçanërisht me synimin për të qenë në garë për trofeun e Champions League në finalen e vitit 2028, e cila do të zhvillohet në “Allianz Arena”.

Francezi është përshtatur me shpejtësi në Mynih dhe është kthyer në një nga pikat kryesore të repartit ofensiv të bavarezëve. Forma e tij e fundit është një tjetër dëshmi e rëndësisë që ka marrë në skuadër, pasi Olise realizoi një tripletë në fitoren ndaj Union Berlin.

Për këtë arsye, pavarësisht interesimit të vazhdueshëm të Real Madridit, Bayern nuk duket i gatshëm të heqë dorë nga një prej talenteve kryesore të projektit të tij.