Bergomi: Interi ka skuadër më të fortë, por Juventus ka kalendar më të thjeshtë

Komentatori i Sky dhe ish-lojtari i Interit, Bepe Bergomi, ka folur për garën mes Interit dhe Juventusit për titullin kampion në Seria A.

“Juventusi ka një kalendar më të thjeshtë në letër, ai i Interit është shumë i vështirë dhe ka edhe Ligën e Kampioneve. Interi do të duhet t’ia dalë duke i përfshirë të gjithë në formacion, nuk mund të luash të gjitha këto ndeshje me dy sulmues dhe tre mesfushorë.

Interi është skuadra më e vjetër në Serinë A, e cila çdo vit humbet pjesë të rëndësishme dhe aktivizon lojtarë që rezultojnë të jenë shumë të mirë. Unë vazhdoj të them se Interi nuk e ka skuadrën më të fortë, por është më e mira për të bashkuar lojtarët dhe për t’i bërë ata të performojnë në nivelin më të lartë. Interi ka mentalitet të fortë dhe po luan shumë mirë”, deklaroi Bergomi.