Botërori nis për Zvicrën, Xhaka udhëheq sfidën ndaj Katarit

Katari dhe Zvicra përballen sot në Santa Clara të Shteteve të Bashkuara, në një ndeshje të vlefshme për Grupin B të Botërorit 2026. Takimi konsiderohet i rëndësishëm për ecurinë e grupit, pasi çdo pikë mund të rezultojë vendimtare në garën për kualifikim në fazën e ardhshme.

Në ndeshjen tjetër të grupit, të zhvilluar një ditë më parë, Kanadaja dhe Bosnja barazuan 1-1, duke lënë gjithçka të hapur në renditje.

Vëmendja e tifozëve shqiptarë është te Granit Xhaka, i cili aktivizohet titullar dhe mban shiritin e kapitenit te Zvicra. Mesfushori synon të udhëheqë skuadrën helvete drejt një starti pozitiv në këtë Botëror.

Formacionet zyrtare

Katari: Abunad; Oui, Miguel, Khoukhi, Al-Amin; Abdulsallam, Madibo, Laye; Junior, Abdurisag, Afif.

Trajner: Julen Lopetegui.

Zvicra: Kobel; Elvedi, Akanji, Zakaria; Rodriguez, Xhaka, Freuler, Aebischer; Vargas, Embolo, Ndoye.

Trajner: Murat Yakin.

REZULTATI LIVE

Katari 0-0 Zvicra.