Buffon sot arrin rekordin historik të Maldinit në duelin me Sampdorian

Gianluigi Buffon është gati të vendosë një rekord historik në Serinë A. Me ndeshjen e sotme ndaj Sampdorias, ikona e portës italiane arrin legjendën Paolo Maldini për numrin më të madh të ndeshjeve të luajtura në Serinë A, plot 647 të tilla.

Dëmtimi i portierit Szczesny, ka vendosur edhe njëherë 41-vjeçarin në katërkëndëshin bardhezi, duke e kthyer përballjen e javës së 17 në një ndeshje tepër speciale për portierin veteran.

Buffon ka debutuar në Serie A me Parmën, në moshën 17-vjeçare, ndërsa ja doli të mbajë rrjetën të paprekur përballë Milanit. Të njëjtën gjë, legjenda italiane do kërkojë ta përsërisë edhe sot në një ndeshje historike për të.