Bundesliga rifillon me spektakël, Dortmundi shkatërron Schalken (VIDEO)

Bundesliga jep shembullin më perfekt se mund të luhet futboll edhe në periudhën e koronavirusit. Edhe pse pa tifozë, derbi i Ruhrit mes Dortmundit dhe Schalkes ka dhuruar emocione, teksa verdhezinjtë ishin të pamëshirshëm duke fituar 4-0.

Në minutën e 29-të, Erling Haland merr një top fantastik nga Thorgan Hazard dhe me një qetësi të frikshme e dërgon topin në rrjetë. Në minutën e fundit të pjesës së parë, Raphael Guerreiro dyfishoi avantazhin.

Në fraksionin e dytë, Dortmundi gjeti edhe golin e tretë me Thorgan Hazard, ndërkohë që Guerrero vulosi rezultatin me një tjetër gol të bukur në minutën e 63-të, i dyti në këtë ndeshje.

Në sfidat e tjera spikat fitorja 3-0 e Herthas ndaj Hoffenheim në transfertë, si dhe barazimi 1-1 i Leipzig ndaj Freiburg. /R.Lika-Koha Jone/