Cana i thotë lamtumirë Kombëtares?!

Sipas të gjitha gjasave, minutat e luajtura ndaj Rumanisë janë të fundit me Kombëtaren Shqiptare të Futbollit për Lorik Canën.

Kapiteni i kuqezinjve pritet që t’i japë lamtumirën Kombëtares duke e përjetuar pjesëmarrjen në Europian me fanellën e Shqipërisë si kulmin e karrierës së tij të pasur sportive.

Gjatë një lidhje të drejtëpërdrejtë në Supersport, Lorik Cana la të kuptohet se në mendjen e tij vendimi për ti dhënë lamtumirën Kombëtares është pjekur duke paralajmëruar së shpejti dhe zyrtarizimin e tij, shkruan SuperSport.al

Mbi 90 ndeshje me kombëtaren pjesë e së cilës është që nga viti 2003, por mbi të gjitha simbol dhe model për tu ndjekur, gjithmonë i gatshëm për tu sakrifikuar, një lider i vërtetë brenda dhe jashtë fushe, Lorik Cana mbetet padyshim një ikonë e përfaqësueses kuqezi.