Carragher: Italia do të eliminohet që në grupe, Shqipëria do renditet e …

Jamie Carragher nuk e mendon shumë të fortë kombëtaren italiane, rivalja e parë e Shqipërisë në “Euro 2024”. Kompeticion të cilin kuqezinjtë e Sylvinhos e nisin të shtunën e 15 qershorit përballë kampionëve në fuqi në “Signal Iduna Park”. Ish-mbrojtësi i Liverpoolit duke folur për britaniken Telegraph thekson se të kaltrit nuk do e kalojnë grupin.

“Grupi më i bukur dhe ekuilibruar është ai i Spanjës, Kroacisë dhe Italisë. Gjithçka do të vendoset në ndeshjet e fundit. Gjithsesi, unë mendoj se në fund do të kualifikohen Spanja si vend i parë dhe Kroacia si e dytë.

Kroatët kanë në ekip një nga futbollistët më të mirë në histori: Luka Modric. Italia do të renditet e treta dhe Shqipëria e fundit. Kam idenë që italianët nuk do të arrijnë të kualifikohen as si vend i tretë, ata do të mbeten në grup.

Skuadra e Luciano Spallettit do të grumbullojë pak pikë, sepse ësht pjesë e një grupi shumë të vështirë. Anglia? Deri në gjysmëfinale po, por aty do të marrë fund rrugëtimi ynë. Do të jetë Franca që do të na nxjerrë jashtë”, theksoi Carragher.