Champions League: Italia zhytet në renditje, Portugalia e kalon dhe e lë në vendin e 5-të

Me eliminimin e Atalantës në fazën e 1/8-ave të Champions League, Italia nuk ka më përfaqësues në kompeticionin më të lartë evropian. Kjo situatë ka ndikuar rëndë në futbollin italian, veçanërisht në renditjen e koeficienteve të UEFA-s. Që nga mbrëmja e djeshme, Italia ka rënë në vendin e 5-të në klasifikimin sezonal.

Portugalia ka kaluar Italinë, falë sukseseve të Sportingut dhe Bragës. Sporting ka avancuar në çerekfinalet e Champions League, ndërsa Braga në çerekfinalet e Europa League, pas përmbysjeve ndaj Bodo dhe Ferencvaros. Koeficienti i Primeira Ligës portugeze është 18.3, ndërsa ai i Serie A italiane është 17.9.

Gjithashtu, distanca me kombet që e paraprijnë Italinë është rritur ndjeshëm: Anglia ka një koeficient prej 23.8, Spanja 19.5 dhe Gjermania 18.6. Në këtë pikë, arritja e vendit të dytë dhe fitimi i mundësisë për të pasur një klub më shumë në Champions League duket pothuajse utopike për Italinë, duke pasur parasysh se vetëm Roma, Bologna dhe, me shpresë, Fiorentina mbeten në garë deri në finale.

Marrë nga La Gazzetta dello Sport