Champions, Real Madrid, Manchester Siti e Juve “fluturojnë” më tej

Sporti E Hënë, 19 Prill 2021 05:41

Kur mbeten edhe dy ndeshje nga mbyllja e fazës së grupeve në Champions, Real Madrid ka siguruar kalimin në fazën tjetër të këtij kompeticioni. Ndaj PSG, madrilenët mjaftohen me golin e Nacho Fernandez, që shënoi në pjesën e parë për të marrë tre pikë, duke lënë pas francezët me 7 pikë në grup. Dy ekipet e tjera të këtij grupi kanë nga 3 pikë. Në Grupin B, Uejn Runi shënoi në 10 minutat e fundit të ndeshjes ndaj CSKA Moskë, duke ngjitur ekipin e tij në krye të klasifikimit, por ekipit anglez i duhet të presë ndeshjet e fundit për kualifikimin. PSV dhe Volsburg kanë nga 6 pikë dhe synojnë gjithashtu kalimin e fazës së grupeve. Jonas dhe Luisao shënuan nga një gol në çdo pjesë loje për Benfikën që fitoi ndaj Gallatasarait, 2-1, duke afruar portugezët pranë kualifikimit. Benfika ka 9 pikë dhe Gallatasarai 4 pikë, ndërsa Atletiko Madrid 7 pikë, çka do të thotë se matematikisht spanjollët e portugezët duhet të presin edhe ndeshjet e mbetura. Astana edhe pse mori një pikë ndaj Atletikos, nuk pretendon më tej kalimin grupeve. Starling, Fernandinho e Bony shënuan tre gola në favor të Manchester Siti që triumfoi ndaj Seviljes brenda në shtëpinë e saj, duke i dhënë kualifikimin ekipit anglez. Juventus u përball me Volsburg, por edhe pse barazoi 1-1 dhe mbeti me 10 lojtarë, kalon më tej falë fitores së ekipit anglez. Likshtajner barazoi shifrat pas golit të Johnson në pjesën e parë. Hernanes doli me karton të kuq në fillim të pjesës së dytë duke lënë ekipin e tij me 10 lojtarë. Siti ka 9 pikë, Juve 8 dhe Sevilja 3 pikë e gjermanët vetëm dy pikë. Barcelona dhe Bajern Mynih synojnë të fitojnë ndeshjet e mbrëmjes së mërkurë, për të avancuar ose për të qenë më tej, pranë kualifikimit si dy ekipe të tjera pretendentet këtij kompeticioni.