Chelsea i Tuchel është perfekt, mund me lehtësi Newcastle (VIDEO)

Chelsea vijon rrugëtimin fantastik nën drejtimin e Thomas Tuchel. Blutë e Londrës sonte morën një fitore të pastër 2-0 ndaj Newcastle, e cila është e pesta në 6 ndeshje (1 barazim) për strategun gjerman.

Ndeshja u zgjidh me dy gola në harkun e 8 minutave në fraksionin e parë. Giroud zhbllokoi rezultatin në minutën e 31-të, pasi u gjend me portën e boshatisur brenda zonës.

Më pas do të ishte Timo Werner do të përfitonte nga një rrëmujë në zonë për ta dërguar “sferën” në kuadrat. Chelsea me këtë fitore ngjitet në vendin e katërt me 42 pikë, 4 më pak se Leicester. /R.Lika-Koha Jone/