Cikalleshi: Dua të luaj në Gjermani ose Itali, në Shqipëri futbollistët sakrifikojnë

Sulmuesi shqiptar i ekipit kroat të Split, Sokol Cikalleshi, shënoi një eurogol në miqësoren e fundit me ekipin e tij, duke treguar se mbetet një lojtar në formë dhe më të ardhme. I lindur në Kavajë, 24 vjeçari që la Kukësin në fund të sezonit të kaluar, ku luajti 30 ndeshje dhe shënoi 17 gola, është kthyer në një lojtar kryesor për ekipin kroat të Split. Ai kërkohet nga disa ekipe të mëdha, si Sampdoria në Seria A, për të cilin po sponsorizon edhe trajneri Gianni de Biasi, që e ka promovuar në kombëtare si dhe i ka besuar gjatë ndeshjeve të fundit edhe një vend në formacionin bazë.  Megjithatë, Cikalleshi shpreson se pjesa tjetër e sezonit do të jetë edhe më mirë, duke besuar se do të mbetet pjesë e Spilit. Dhe një nga avantazhet kryesore të trajnerit Zoran Vuliç, për pjesën tjetër të sezonit duhet të jetë patjetër, Sokol Cikalleshi. Split ndodhet në vend të parë, pas pjesës së parë të këtij sezoni në Kroaci, por Cikalleshi beson se  gjysma e dytë e këtij sezoni, do të jetë edhe më e mirë. – “Unë nuk jam i pakënaqur, por mund të bëj më mirën dhe jam i sigurt se unë do të konfirmoj qëllimet e mia gjatë këtij sezoni. Mund të arrijë shifrat e 15 golave deri në fund të sezonit. Jam përshtatur me futbollin kroat dhe pres ndeshje edhe më të mira,” thekson Cikalleshi.  Lojtari i ekipit kombëtar shqiptar ka tërhequr tashmë interes nga klubet e tjera, dhe një ligë në të cilën ai do të donte për të ndjekur më tej një karrierë, mund të jetë ajo gjermane ose italiane. – “ I kam ndjekur  me interes, por tani mendoj se karriera me Split është më e rëndësishme dhe kërkoj të bëj paraqitje sa më të mira me uniformën e tij. Sigurisht, në qoftë se do të ketë një ofertë që do të kënaqë të gjitha palët, unë me siguri do të jem i lumtur, por nuk do të jem i pakënaqur nëse nuk ndodh kështu. Do të doja në fakt, të luaja në Gjermani ose Itali. Milan është klubi im i preferuar, “ – thekson Cikalleshi. Futbollisti kavajas, Cikalleshi, përveç futbollit, është duke i dhënë provime në akademinë sportive në Shqipëri, dhe beson se një ditë do të bëhet edhe trajner.  – “Unë kam qenë një student i shkëlqyer dhe jam regjistruar në kolegj futbolli, por nuk mund të vazhdoja për shkak të karrierës dhe hoqa dorë pas vitit të parë. Tani jam pjesë e një akademie sportive dhe një ditë mund të bëhem një trajner futbolli. Ashtu si Zoran Vuliç, të gjithë ne trajnohemi me një pasion të veçantë dhe të thithin energji prej tij.  Unë jam i sigurt se Split  do të ketë progres, nën drejtimin e tij.”  Cikalleshi arriti të bëhej një futbollist profesionist në Shqipëri, duke luajtur sezonet e fundit me ekipet më të mira, si Skënderbeu e Kukësi, por thotë se nuk ka qenë e lehtë. Sipas tij, infrastruktura në kampionatin tonë është shumë të dobët. – “Kushtet ishin katastrofike, shumë më keq se në Kroaci. Në shumë zona të fushës është baltë, infrastruktura e shkatërruar dhe në thelb, ajo nuk ekziston. Të gjithë fëmijërinë time e kam shpenzuar në kushte të tilla dhe prandaj kërkohet sakrificë e madhe për t’u bërë një futbollist në Shqipëri,” – shprehet Cikalleshi.

A.M/ Koha Jonë