“Çmenden” tifozët, 1 mijë euro bileta për ndeshjen me Serbinë

“Çmenduri” për një biletë.

Të shohësh në “Elbasan Arena” sfidën midis Shqipërisë dhe Serbisë mund të të kushtojë plot 1 mijë euro.

Tifozët e Kombëtares, kryesisht ata nga Kosova që e konsiderojnë si speciale këtë përballje, janë të gatshëm të ofrojnë këtë shumë për të pasur një biletë për këtë sfidë.

Nuk ka rëndësi se për cilin sektor bëhet fjalë, mjafton të hyjnë në stadium.

Kështu, në mediat shqiptare përflitet se një pjesë e madhe e tifozëve kanë arritur të prenotojnë bileta me shuma marramendëse, në shifra që deri tani ishin të padëgjuara, deri në 1 mijë euro.