CNN/ I këshilluan të mos udhëtonte me avion, Diogo Jota më pas mori makinën

Një lajm tronditës ka goditur botën e sportit këtë të enjte. Sulmuesi i njohur i Portugalisë dhe i Liverpoolit, Diogo Jota, së bashku me vëllain e tij André, kanë humbur jetën në një aksident rrugor në Spanjë.

Sipas asaj që raporton “CNN Portugal”, Jota kishte vendosur të shmangte udhëtimin ajror pas një ndërhyrjeje në mushkëri. Mjekët e këshilluan të mos fluturonte, ndaj futbollisti zgjodhi të udhëtonte me makinë drejt Anglisë.

Ai ndodhej në rrugëtim për në veriun e Spanjës, ku në portin e Santanderit do të merrte një traget me destinacion Liverpoolin. Udhëtimi ishte organizuar bashkë me të vëllanë, por për fat të keq, rruga drejt kthimit në skuadrën e tij përfundoi në mënyrë tragjike.