Në vigjilje të ndeshjes kundër Fiorentinës, në debutimin sezonal 2020-2021 me Interin. Trajneri Antonio Conte ka folur në konferencë për shtyp duke dhënë një koment edhe për blerjet e reja apo objektivat sezonal.
“Vitin e kaluar kemi filluar një udhëtim, ndaj është e pashmangshme të mos bëjmë vlerësime. Duhet t’i përmirësojmë situatat gjatë punës. Kishte dhe ka vullnet për të përmirësim. Po përmirësohemi në të gjitha fushat e kompetencës, jam shumë i lumtur për këtë. Në fund të fundit, nëse jeni mes njerëzve inteligjentë, me të njëjtat qëllime, gjithmonë do të gjeni një zgjidhje. Le të qëndrojmë së bashku, duke adresuar problemet që kemi pasur. Të gjithë kemi vetëdijen për të bërë më të mirën për Interin.
Blerjet e reja? Të sapoardhurit mund të sjellin përvojë. Hakimi ka filluar një karrierë të rëndësishme. Në marrëveshje totale me klubin kemi vlerësuar dhe zgjedhur një strategji, duke marrë parasysh atë që pronarët sapo thanë, situatën që po kalojmë ne dhe të gjitha klubet. Jemi duke punuar në harmoni dhe duhet të konsolidojmë kredibilitetin e sezonit të kaluar.
Ne ishim një nga skuadrat e fundit, që përfunduam së luajturi sezonin e shkuar. Vidal? Është mirë, arriti në gjendje optimale fizike. Taktikisht është një lojtar që ka luajtur me mua, por po bëjmë gjëra të reja në krahasim me të kaluarën. Jam shumë i kënaqur me qëndrimin dhe dëshirën që të gjithë lojtarët kanë treguar. Jemi gati të fillojmë një kampionat të vështirë, siç tha drejtori, për shumë aspekte. Po ashtu, jemi të sigurt që mund të përmirësohemi”, deklaroi Conte në konferencën për mediat.