Conte: Gati për të sfiduar Barcelonën me ose pa Messin

Pas një nisje fantastike në Seria A me 6 fitore në 6 ndeshje, Interi do të tregojë forcën e saj edhe në Champions League, ku e pret Barcelona. Trajneri Antonio Conte ka folur në konferencë për shtyp, duke u shprehur i bindur se ekipi i tij do të luajë kartat e tij.

“Sigurisht jemi në një grup të vështirë dhe interesant, e pamë edhe me Slavian. Kemi ambicie për të ecur përpara, duhet të synojmë të marrim pikë në çdo ndeshje. Të luash në “Camp Nou” nuk është e thjeshtë, por kemi ardhur për të luajtur kartat tona. Përballemi me një prej favoritëve për suksesin në finale.

Si ndryshon ndeshja pa Messin? Pres një duel të vështirë, pasi do të përballemi me një nga më të mirë në botë si Messi, i cili së bashku me Ronaldon spostojnë ekuilibrat. Jemi gati për të sfiduar Barcelonën me ose pa Messin. Duhet të bëjmë një ndeshje të luftuar, me shumë ritëm si fazën e zotërimit të topit ashtu edhe pa të. Duam të tregojmë se jemi në rrugën e duhur.

Të dielën sfidoni Juven? Ndeshje të bukura, pasi pas Barcelonës kemi Juven, por siç e them gjithmonë ndeshja e jetës është ajo e radhës. Nuk kemi nevojë për stimuj, e thotë vetë emri i Barcelonës”, deklaroi Conte. /R.Lika-Koha Jone/