Conte i premton besnikëri Interit: Dua të qëndroj për shumë vite, por dhe të rikthehem …

Antonio Conte në një intervistë që ka dhënë së fundmi për “The Telegraph” ka premtuar se do të vijojë që të qëndrojë në krye të Interit.

“Është e rëndësishme të krijoj një themel të fortë dhe të jemi të përgatitur për të fituar. Ndonjëherë bën një punë të pabesueshme. Kjo ndodhi me Juventusin dhe ndodhi edhe me Chelsea. Por unë arrita te Inter 10 vjet pasi klubi  duhet të fitonte dhe kur nuk fiton për 10 vjet, do të thotë që duhet të ndryshosh shumë, shumë gjëra dhe duhet të kesh kohë ta bësh.

Sezonin e kaluar ne bëmë diçka të mrekullueshme. E mbyllëm një pikë prapa Juventusit, luajtëm gjysmëfinalen e Coppa Italia dhe pastaj luajtëm finalen e Europa League. Unë mendoj se ka qenë një sezon i shkëlqyeshëm. Projekti ynë është vetëm në fillim dhe ne po krijojmë bazën, themelin, për t’i dhënë këtij klubi shansin për të qëndruar në nivelin më të lartë dhe të jetë konkurrues për të provuar të fitoj diçka çdo sezon.

E ardhmja? Unë kam këtë sezon dhe një vit tjetër kontratë me Interin, ku fillova një projekt: sinqerisht, unë dua të vazhdoj këtë projekt dhe të qëndroj për shumë vite, sepse ne po ndërtojmë themelet.

Në të ardhmen time, unë dua të kthehem në Angli të kem një përvojë tjetër sepse me të vërtetë më pëlqente qëndrimi im atje dhe të thithja atmosferën në Angli. Për mua, për familjen time, do të doja të kthehesha në Angli një ditë sepse kemi pasur një përvojë të jashtëzakonshme dhe duam ta provojmë përsëri”, deklaroi strategu italian.