Conte nuk ndryshon asgjë, “të rrezikuarit” në fushë ndaj Parmës

Antonio Conte nuk ka ndërmend të ndryshojë asgjë në ekipin e tij, edhe pse disa futbollistë rrezikojnë në sfidën ndaj Parmës për t’u skualifikuar. Barella, Brozovic, Bastoni dhe Lukaku me një karton të verdhë do të humbasin ndeshjen e radhës kundër Atalantës, që do të luhet të hënën, më 8 mars.

Nëse do të ketë ndryshime në Interin e impenjuar në Tardini, nuk do të jenë rezultat i llogaritjeve: kjo do të thotë që Hakimi thjesht do të marrë vendin e tij pas skualifikimit, Sanchez mund të lërë pushim Lautaron, ndërkohë që Vidal do të zëvendësojë Eriksen ose Barella-n.

Vetëm në shtatë ndeshjet e fundit, Interi ka marrë 6 fitore dhe një barazim, ka shënuar 17 gola dhe ka pësuar vetëm një. Në përgjithësi zikaltrit kanë sulmin më të mirë në Serie A, 60 gola të shënuar dhe mbrojtjen e dytë më të mirë me 24 gola të pësuar, vetëm Juvja ka bërë më mirë me 20.