Conte zbulon problemin e madh të Interit: Lojtarët duhet të rrisin xhirot e motorit!

Pas fitores së Juventusit ndaj Genoas, Interi do të kërkojë që të arrijë sërish bardhezinjtë në krye. Sfida e radhës për zikaltërit do të jetë ndaj Genoas në “San Siro”, një ndeshje në të cilën Conte është shprehur se ekipi i tij duhet të japë maksimumin.

“Në këto muaj jemi përballur me probleme të rëndësishme, por jemi duke i përballuar në mënyrën e duhur. Ky fakt ka ndërgjegjësuar lojtarët, të cilët e kanë kuptuar se duhet të rrisin xhirot e motorit dhe të japin më shumë.

Kemi marrë më pak nga çfarë kemi dhënë. Nuk është bukur të flasësh për fatin, ose jo fatin, por kemi pasur shumë raste të disfavorshme. Kundër Genoas duhet të bëjmë një ndeshje perfekte, duhet zemër, kokë dhe këmbë.

Që në fillim të sezonit kam thënë se objektivi i ekipit është që të bëhemi një ekip i vërtet. Të gjithë e dinë se do të jetë e vështirë. Duhet durim, unë së pari duhet të kërkojë që të vazhdoj dhe të ndërtoj. Nuk duhet të fitojmë patjetër, pasi kjo të shkatërron. Ka situata ku të mos fitosh, mund të krijojë baza më solide”, deklaroi Conte. /R.Lika-Koha Jone/